Salyanda 11 yaşlı oğlan iynədən şoka düşüb öldü

Salyanda 11 yaşlı Elcan Nəcəfov inyeksiyadan şoka düşərək ölüb.

Bu barədə Salyan Rayon Mərkəzi Xəstəxanasından məlumat verilib. 

Bildirilib ki, 4 yanvar saat 17:30 radələrində 2015-ci il təvəllüdlü şəxs (kişi) ağır vəziyyətdə Salyan Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Dəqiqləşdirilməmiş hiperqlikemiya diaqnozu ilə azyaşlıya zəruri tibbi xidmətlər göstərilib. Aparılan reanimasiya tədbirlərinə baxmayaraq, 5 yanvar saat 04:00 radələrində pasiyentin bioloji ölüm faktı qeydə alınıb. Ölümünə ilkin səbəb kimi hipotoniya qeyd olunub.

Meyit təşrih olunması üçün Məhkəmə-Tibbi Ekspertiza və Patoloji Anatomiya Birliyinin Salyan rayon şöbəsinə təhvil verilib.

Qeyd edək ki, E. Nəcəfov Salyan şəhər 9 nömrəli tam orta məktəbin 5-ci sinif şagirdi idi.