Maşın kanala aşdı, müəllim öldü

Bu gün Ucarda ağır yol qəzası baş verib.

EmpaTV xəbər verir ki, hadisə rayonun Qazıqumlaq kəndinə gedən yolda qeydə alınıb.

“Mercedes C Class” markalı minik avtomobili aşaraq yol kənarındakı su kanalına düşüb. Nəticədə sürücü, Ucar rayonu Bərgüşad kənd məktəbinin müəllimi 1994-cü il təvəllüdlü Coşqun Məmmədov hadisə yerində ölüb.

Qəza yerinə polis əməkdaşları gəlib. Faktla bağlı araşdırma aparılır.