Avtobus iki bahalı avtomobilin arasında sıxışıb qaldı

Bakı-Sumqayıt yolunda marşrut avtobusunun iştirakı ilə yol qəzası baş verib.

EmpaTV xəbər verir ki, “Daewoo” markalı nəqliyyat vasitəsi avtobus zolağında iki minik avtomobili ilə toqquşub.

Belə ki, avtobusa yol verməyən bahalı avtomobillər onu ön hissədən sıxışdırıblar. Bu zaman nəqliyyat vasitələrinə zərər dəyib. Xəsarət alan olmayıb.

Bildirilib ki, qəzaya “Mercedes G Class” markalı avtomobilin manevr qaydalarını pozması səbəb olub.