Taksi sürücüsü: “Yay ayında taksimdə gül-çiçək, quş-böcək saxlayırdım, bu dəfə yolka qurdum”

Əslində bu ideyanı mənə bir müştərim vermişdi. O mənə gül hədiyyə etdi, mən də onu maşınıma qoydum. Hər şey belə başladı. Düşündüm ki, niyə də maşınım “Çiçək taksi” olmasın ki?! Müştəriləri düşünüb, belə addım atmışam. Peşman da deyiləm. Bilirsiniz ki, son illərdə taksi sürücülərinin adları heç də yaxşı çıxmayıb. Sürücü-müştəri münasibətləri hər zaman yaxşı olmayıb. Mən müştərilərimə qarşı çox həssasam, onlara çox diqqətlə davranıram, onlar da bu münasibəti qiymətləndirirlər.