“Uşaqlarımız Qarabağda böyüyəcəklər” - Talışdan REPORTAJ + FOTO

İşğaldan azad edilmiş Talış kəndində həyat canlanır. Birinci mərhələdə kənddə 20 ev, 10 qeyri-yaşayış və ictimai iaşə obyekti bərpa edilərək yenidən qurulub. Kənddaxili yolların inşası həyata keçirilib, yaşıllıqlar salınıb, dekorativ ağaclar, kollar, güllər əkilib. Kommunikasiya xətləri yenidən qurulub, yeni qaz xətti çəkilib. Bir sözlə, ötən ilin mart ayından kəndə köçürülən sakinlərin rahat və firavan yaşayışı təmin edilib.

AZƏRTAC-ın bölgə müxbiri Talış kəndinə gedərək Aslanovlar ailəsinin qonağı olub.

Ailə başçısı Taleh Aslanov deyir ki, çətinliklə keçən 30 illik köçkünlük həyatından sonra indi Talış kəndində rahat, firavan yaşayırlar:

“Torpaqlarımız işğal olunandan sonra Bərdə rayonunun Şorəlli kəndində, xəstəxana binasında məskunlaşmışdıq. 30 il çox çətinliklər gördük, şəraitsiz binada yaşamalı olduq.