"9 nəsnə həmişə sirr olaraq qalmalıdır" - TÖVSİYƏ
Psixoloqlar özünüz barədə məlumatı bölüşməməyi məsləhət görür. Bu incə balans başqaları ilə əlaqəni nizama salmağa imkan verir, amma bu, öz həssaslığınızı üzə çıxarmamalı və ya rifah halınızı riskə atmamalıdır.
Qeyd edilir ki, konfidensiallıq təkcə sirlərin saxlanılmasında deyil. Söhbət ondan gedir ki, özünüz üçün elə məkan saxlanılsın ki, buraya xaricdən mülahizə və ya təsir olmasın.
Həddən artıq ümumi çıxışın normaya çevrildiyi dünyada müəyyən şeylərin özəl olaraq saxlanılması özünüqoruma və şəxsi sərhədlərə hörmətin güclü amili ola bilər.
Psixoloqların sözlərinə görə, bu 9 nəsnə həmişə sirr olaraq qalmalıdır:
1. Şəxsi həyat
Psixologiya göstərir ki, öz şəxsi həyatınızı özünüz üçün saxlamaq müdriklik əlamətidir. Sosial şəbəkələr dövründə hər şeyi-səhər yeməyindən münasibətlərdə mübahisələrədək bölüşmək şirnikləndiricidir. Lakin həddən artıq ümumilik bəzən həssaslıq hissinə və hətta başqaları tərəfindən neqativ münasibətə gətirib çıxara bilər. Şəxsi həyatınızın bəzi aspektlərini gizli saxlamaq daha yaxşıdır.
Söhbət intim münasibətlərin təfərrüarlarından, ailə problemlərindən və digər çox şəxsi olaylardan gedir. Bu detalların açıqlanması başqaları tərəfindən arzuolunmaz fikirlərə, məsləhətlərə və pislənilməyə gətirib çıxara bilər. Hər-hansı bir şəxsi məsələni bölüşmək istəyi yarananda bunun həqiqətən zəruri və faydalı olduğu üzərində düşünmək lazımdır.
2. Maliyyə
Pul haqqında məlumatı gizli saxlamaq daha yaxşıdır. Gəlirlərin, borcların və hətta əmanətlərin müzakirəsi xoşagəlməz vəziyyətlərə gətirib çıxara və ya qeyri-sağlam müqayisələr törədə bilər. Bu məsələni ümumilikdə, məsələn, maliyyə məqsədləri və ya büdcə üzrə məsləhətlər formasında müzakirə etmək normaldır. Lakin maliyyə vəziyyətinin detalları lazımsız stresə və ya anlaşılmazlıqlara gətirib çıxara bilər. Hər kəsin maliyyə yolu unikaldır və bu, yarış deyil.
3. Məqsədlər və arzular
Psixoloji tədqiqatlar göstərir ki, öz məqsədləriniz haqqında danışmaq bəzən ziyanlı ola bilər. Buna səbəb "sosial gerçəklik" deyilən haldır. İnsan hər-hansı bir məqsədini bölüşəndə beynində ona həqiqətən nail olduğu məmnunluğu yaranır. Bu məqsədə çatmaq üçün işləmək motivasiyasını azalda bilər. Bundan başqa, məqsədlər açıqlandıqda başqaları tərəfindən tənqid və şübhələrə məruz qala bilər, bu da tərəqqiyə daha çox maneə olar.
4. Xəstəlik tarixi
Sağlamlıq şəxsi işdir, bir qayda olaraq xəstəlik tarixçənizi sirli saxlamaq yaxşıdır. Sağlamlıqla bağlı problemlərin müzakirəsi bəzən başqaları tərəfindən arzu edilməyən məsləhətə və lazımsız narahatlığa gətirib çıxara bilər. Bundan başqa, müəyyən vəziyyətlərdə xəstəlik tarixinin açıqlanması hətta hüquqi nəticələr yarada və ya peşəkar fəaliyyətə təsir göstərə bilər. Belə məlumatı yalnız etibar etdiyiniz dost, ailə üzvü və tibb işçisiylə bölüşmək olar.
5. Şəxsi şikayətlər
Şikayət və təhqirlərin daim ifadə edilməsi neqativ atmosfer yarada və münasibətlərə potensial zərər vura bilər. Şəxsi incikliklərin müzakirəsi bəzən şaiyə və şikayətlər kimi qəbul oluna bilər. Bu o qədər də cəzbedici xüsusiyyət deyil. Bu, həmçinin başqaları tərəfindən münaqişələrin səmərəli şəkildə həll etmək qabiliyyətinizi şübhə altına sala bilər.
6. Xeyirxah əməllər
Xeyirxah əməllər böyük sevinc və məmnunluq gətirə bilər. Lakin bunları başqaları ilə bölüşəndə
bu hisslər zəifləyə bilər. Belə məqamları başqaları ilə bölüşəndə diqqət əməlin özündən bunun təsdiqi və yaxud tərifinə yönəldilə bilər. Xeyirxahlığın gözəlliyi onun təmizliyində və təmənnasızlığındadır.
7. Yanlışlıqlar
Hər kəsin yanlışlıqlar və uğursuzluqlar tarixçəsi var. Bunlar sizin şəxsi inkişafınız üçün vacibdir, lakin bunu yaymaq mütləq deyil. Bunları sirr saxlayaraq şəxsiyyət keçmişlə deyil, bu gün və gələcək üçün yaşamağı seçir.
8. Ailə poblemləri
Hər bir ailədə özünün çətinlikləri və problemləri var, lakin bu məsələlərin açıq şəkildə müzakirəsi faydadan çox zərər verə bilər. Ailə problemləri çox şəxsidir və çox mürəkkəbdir. Onların yayılması arzuolunmaz fikirlərə, mülahizələrə və hətta anlaşılmazlıqlara gətirib çıxara bilər. Bu, həmçinin özümüzdən asılı olmayaraq ailədə münasibətləri pisləşdirə bilər. Özəl həyata hörmət ailədə ahəngdarlığı qoruyub saxlamağa və daxili problemləri həll etməyə kömək edir.
9. Şəxsi əqidə
Dini, siyasi və ya fəlsəfi nöqteyi-nəzərdən şəxsi əqidə şəxsiyyətin fundamental əsasıdır. Lakin bunların açıq şəkildə mübadilə edilməsi qızğın diskusiyalara və ya münaqişələrə gətirib çıxara bilər. İnam və etiqad dərin şəxsi məsələlərdir və bir-birindən çox fərqlənə bilər. Onların müzakirəsi bəzən mübahisələrə və ya sizi anlamamaq hissiyatına gətirib çıxara bilər.