İşi artıq hobbisinə ÇEVRİLİB: 22 ildir xəstələrin böyrək daşlarını YIĞIR

Türkiyədə uroloq həkim Mümin Temel 22 ildir xəstələrindən əməliyyatla çıxardığı böyrək daşlarını kolleksiya edib.

Həkim böyrək yaxud sidik kisəsi daşlarının müalicə olunmadığı halda nə qədər böyüyə bildiyini göstərmək üçün daşları qəbuluna gələn xəstələrinə göstərir.Yığdığı kolleksiya ilə həkim Mümin Temel bu ifadələrə yer verib:

"2002-ci ildə uzman həkim oldum. Balıkəsir SSK Xəstəxanasına təyin olundum. O zamanlar açıq əməliyyatlara daha çox rast gəlinirdi. Böyrəkdə endoskopik cərrahiyyə hələ inkişaf etməmişdi. Açıq əməliyyatlarla daşları çıxarırdıq. Xəstələrimin icazəsi ilə belə bir kolleksiya hazırladım. Bu kolleksiyanı xəstələrə göstərirəm. Mən bunu maarifləndirmək üçün edirəm. Çoxları daşların bu qədər böyüyə biləcəyini düşünmür".

Həkimin sözlərinə görə, bu daşlar insanlara ağrı vermədən xeyli ölçüdə böyüyə bilir:

"İnsan fərqində olmadan bu daşlarınə görə böyrəklərini itirirlər. Sidik kisəsi daşları arasında 7 santimetrlik olan var. Böyrək üçün bütün böyrəyi dolduran və böyrəyi tamamlayan daş qruplarımız da var. Bunlar uzunluğu 13 santimetrə qədər olan daşlar idi. Bu daşların ayrı hekayələri var. Ağrı çəkənlər də var, fərqində olmayanlar da. Xəstələr əməliyyatdan sonra daşları görəndə çox təəccüblənir və onların ölçüsünə inana bilmirlər".