"Nuhun gəmisi" bu dəfə Ayda OLACAQ - MARAQLI ARAŞDIRMA

Tədqiqatçılar Ayda Yer kürəsində növlərin dondurulmuş nümunələrini göndərərək "Nuhun gəmisi" qurmağı təklif edirlər. Minlərlə növ nəsli kəsilmək təhlükəsi ilə üz-üzədir.

Buna görə də tədqiqatçılar Nuhun gəmisini Ayda tikilməsi layihəsini təklif ediblər.

Layihənin məqsədi Yer kürəsində nəsli kəsilməkdə olan canlıların qorunub saxlanmış nümunələri ilə dolu bir Ay anbarı yaratmaqdır. Biorepozitoriya adlanan bu gəmi müəyyən növlərin Yer kürəsindən yoxa çıxacağı halda donmuş anbar kimi fəaliyyət göstərməyi nəzərdə tutur.

Layihə reallaşarsa, çox güman ki, gəmi Ayın şimal yaxud cənub qütbündə tikiləcək. Çünki burada temperatur 200 dərəcə şaxtadır və kraterlər daimi kölgə salır. Qütbdəki bu xüsusiyyət, dondurulmuş qutunun aktiv enerji təchizatına ehtiyac duymayacağına işarədir.

Məşhur iş adamı İlon Mask layihəni məntiqli hesab etdiyini bildirib. Layihə üzərində Harvard və Smithsonian da daxil olmaqla dünyanın bir sıra məşhur universitetlərinin alimləri çalışırlar. Bununla belə, dondurulmuş nümunələrin kosmik səyahət zamanı necə qorunub saxlanıla biləcəyi məsələsi hələ də həllini tapmayıb.

Norveçin Svalbard şəhərində Ayda hazırlanması planlaşdırılan anbar artıq Yer üzündə mövcuddur. Alimlər deyirlər ki, Ayda başqa bir bazanın olması Yer kürəsi üçün yaxşı ehtiyat planı olardı.