Məşhur atıcı terrorçuların HƏDƏFİNDƏ: Şəklinə belə HÜCUM ETDİLƏR

Almaniyada terror təşkilatı PKK-ya rəğbət bəsləyənlər türkiyəli atıcı Yusuf Dikeçin divarda çəkilən fotosuna hücum ediblər.

Türkiyəli atıcı Yusuf Dikeç 2024-cü il Paris Olimpiadasında dünya şöhrəti qazanıb. Rəqibləri yüksək texnologiyalı eynək taxaraq pnevmatik tapança ilə atəş açarkən, Yusuf Dikeçin normal eynəyi və bir əli ilə cibində silahla atəş açması hər kəsi təəccübləndirib.

PKK dəstəkçiləri Almaniyada Yusuf Dikeç üçün hazırlanmış şəklə hücum ediblər. Onlar şəkil üzərində PKK terrorçuları haqqında yazılar və təşkilatın təbliğatını aparıblar. Söözügedən əməli törədən şəxslərin adları isə açıqlanmır.

Xatırladaq ki, 51 yaşlı Yusuf Dikeç atıcılıq yarışlarında Türkiyəyə gümüş medal qazandırıb. Yusuf Dikeç Türkiyə polis orqanlarında işləyib. Bundan öncə isə 4 dəfə Olimpiya Oyunlarına qatılıb. Lakin heç birində uğurlu ola bilməyib.