Qadın əylənmək üçün DNT analizi ETDİ: Nənəsinin illərdir saxladığı SİRR ÜZƏ ÇIXDI

Bəzi insanlar öz nəsillərini yaxından tanımaq və araşdrmaq üçün DNT analizindən keçirlər. Lakin bəziləri bu addım əylənmək üçün atır. Sosial şəbəkə istifadəçilərindən bir nəfər əylənmək məqsədilə öz genetikasını araşdırmaq qərarına gəlib. Nəticədə isə mərhum nənəsinin ondan illərdir gizlətdiyi sirri öyrənib.

Bu barədə məşhur "The Mirror" nəşri məlumat verib. Qadın açıqlamasında bildirib ki, ata tərəfindən olan babası onun bioloji qohumu deyil:

"Atamın atası mənim bioloji babam deyil. Nənəmin onu fransız yaxud alman zabiti ilə xəyanət etdiyinə dair şayiələr yayılmışdı. Lakin babam övladlarını böyütmək üçün onunla birlikdə qalıb. Əvvəllər edilən bu idi".

Qadın açıqlamasında bacısının genetik analizinin 25 faiz fransız millətindən olduğunu deyib. Bu isə atalarının yarı fransız olduğuna işarədir".

"Atam bioloji atasının kim olduğunu bilmədi. Məncə ona bunu heç kim deməyib. O, bizim həyatımızın parçası deyil. Mənim babam olaraq tanıdığım kişi qohumum deyil Amma onu hələ də babam olaraq qəbul edirəm. Lakin bioloji babamın kim olduğunu heç vaxt öyrənə bilməyəm. Bəlkə də adını belə bilməyəcəm. Onun fransız olduğunu bilib, öldüyünü düşünmək isə çox qəribədir".

Açıqlamalarından sonra, sosial şəbəkə istifadəçiləri öz DNT analizlərinin nəticələri ilə bağlı maraqlı paylaşımlar ediblər. Qeyd edək ki, son vaxtlar Böyük Britaniyada insanlar arasında öz genetikasını araşdırmaq istəyən insanların sayı tədricən artmaqdadır.