Donaraq ölən alpinistlərin son görüntüləri: Ölümündən sonra maraqlı detal ortaya çıxıb

Donaraq ölən alpinistlərin son görüntüləri ortaya çıxıb.

Ağrı dağına qalxdıqdan sonra donaraq ölən iki alpinistin duman və tufana baxmayaraq çəkilən son görüntüləri ortaya çıxıb.

Alpinistlərin yoxa çıxdığı gün qar yağdığı, havanın temperaturunun -30 dərəcə olduğu bildirilib. Axtarışlar nəticəsində alpinistlərin cəsədləri tapılıb. Ağrı dağına qalxarkən itən alpinistlərin daha əvvəl çəkilmiş görüntülərində görmə məsafəsinin az olduğu, fırtınanın şiddətli olduğu və donma təhlükəsi ilə üzləşdiyi görülüb.

Həyatını itirən alpinistlərdən Muhammed Halim Dalgının sosial şəbəkədəki paylaşımı və Dilek Gökbulakın keçən il yarımçıq qoyduğu dırmaşmanı bu il tamamlamaq istədikləri məlum olub.