Priqojinin cənazəsi Sankt-Peterburqda keçirilib

Vaqnerin yaradıcısı Yevgeni Priqojinin dəfn mərasimi Sankt-Peterburqda keçirilib. 

Empatv.az xəbər verir ki, Priqojinin "Konkord" şirkətindən verilən yazılı açıqlamada avqustun 23-də Tver vilayətində şəxsi təyyarənin qəzaya uğraması nəticəsində dünyasını dəyişən Priqojinin dəfn mərasimi ilə bağlı məlumat yer alıb.

Kremlin sözçüsü Dmitriy Peskov bu gün verdiyi açıqlamada Priqojinin dəfni ilə bağlı qərarların onun yaxınları tərəfindən verildiyini və Rusiya prezidenti Vladimir Putinin mərasimdə iştirak etməyəcəyini bildirib.

Rusiya Federal Hava Nəqliyyatı Agentliyinin avqustun 23-də verdiyi açıqlamada Priqojin də daxil olmaqla özəl təyyarənin Tverdə qəzaya uğraması nəticəsində 10 nəfərin öldüyü bildirilib.

Putin təyyarədə həlak olanların ailələrinə başsağlığı verib.