Narinin kəndində müəmmalı ölümlər: 15 uşaq ölüb, 9-u onun ailəsindən imiş... - SİYAHI

Avqustun 21-də Türkiyənin Diyarbəkir şəhərinin Bağlar rayonunda itən və 19 gün sonra cəsədi dərəyə atılan çuvalda tapılan azyaşlı Narin Güranın qətlində dəhşətli bir detal gündəmə gəlib. Narinin öldürüldüyü Tavşantəpə kəndində əvvəllər 9-u Güran ailəsindən olmaqla 15 uşağın öldüyü məlum olub.

Ölən uşaqlardan narinin qohumlarının siyahısını təqdim edirik:
Narinin böyük bacısı T.G. O, 2019-cu ildə 5 yaşında vəfat edib.
Narinin anasının bibisinin nəvəsi olan əkizlər A.A və Y.A 2015-ci ildə 1 yaşında olarkən 5 gün fərqlə ölüb.
Narinin nənəsinin qardaşı övladları H.S (3) və F. S. (4) 1987-ci ildə eyni gün dünyasını dəyişib.
Narinin anasının əmisi uşaqları F.Ç (kişi) 2020-ci ildə 2 yaşında, M.Ç (qadın) isə 2013-cü ildə 2 yaşında ölüb.
Narinin anasının xalası nəvəsi H.Y 2004-cü ildə 5 aylıq olarkən dünyasını dəyişib. Eyni zamanda Savaş Güranın (22 yaş) 2011-ci ildə pambıq tarlasında 15 yaşlı gənc tərəfindən tapança ilə öldürüldüyü iddia edilir.

Sözügedən kənddə ölən digər uşaqlar:

1. 1995-ci il təvəllüdlü F. D. 18 günlük olarkən vəfat edib
2. 2011-ci il təvəllüdlü M. B.(kişi) 1 yaşında ölüb.
3. 1985-ci il təvəllüdlü S.D (qadın) 1 yaşında ölüb.
4. 1999-cü il təvəllüdlü Ş.D (kişi) 2 yaşında ölüb.
5. 2000-ci il təvəllüdlü Ş.K (kişi) 9 yaşında ölüb.
6. 1989-cu il təvəllqüdlü Z.T(kişi) 12 yaşında ölüb.

Narin Güran istintaqı çərçivəsində 15 uşaq ölümünün araşdırılacağı bildirilir.

Qeyd edək ki, N.Güranın qətlinə görə anası və qardaşı da daxil olmaqla 12 nəfər saxlanılıb. Ekspertiza 8 yaşlı qızın boğularaq öldürüldüyünə rəy verib. İstintaq davam edir.