Dünyanın yaxından tanıdığı bəla yenidən öldürməyə başladı! İndi isə hədəfdə onlar var

Dünyanın çox tanış olduğu quş qripi bəlası yenidən can almağa başlayıb.

BiG.AZ xarici mənbəyə istinadən xəbər verir ki, normalda quşları hədəf alan virus indi dəniz şirlərini hədəfə alıb. Argentina sahillərində 20-yə yaxın dəniz şiri ölü tapılıb. Bir-bir ölən heyvanların meyidləri az qala sahili bürüyüb.

Aparılan müayinələr nəticəsində heyvanların ölüm səbəbinin quş qripi olduğu təsdiqlənib. O vaxtdan bəri səlahiyyətlilər, ölkənin müxtəlif əyalətlərində epidemiyaların baş verdiyini bildirib. 2022-ci ilin sonlarında Kolumbiyada vəhşi quşlarda xəstəlik aşkarlanmasından sonra virus qitənin cənubuna sürətlə yayılıb.

Alimlər virusun Antarktidaya çatacağı təqdirdə yarana biləcək mümkün risklər üzərində işləyirlər. Yayılmanı azaltmaq üçün Argentina səlahiyyətliləri ölü heyvanlara və ya şübhəli simptomları olan heyvanlara toxunmamağı və bu heyvanlarla birbaşa təmasdan çəkinməyi tövsiyə edib.