DƏHŞƏT: Bağça işçisi 60 qız uşağına cinsi ZORAKILIQ EDİB

Avstraliyada uşaq bağçasının işçisi 60 qıza qarşı cinsi istismarda təqsirli bilinib.

Ölkənin əsas gündəmi azyaşlılara zorakılıq edən bağça işçisi olub. Bağçada uşaq baxıcısı işləyən 46 yaşlı Eşli Pol Qriffit uşaqlara cinsi istismar etdiyini etiraf edib.

Təqsirləndirilən şəxs 307 cinayət əməlində ittiham olunur. Qriffit Avstraliya və İtaliyada əksəriyyəti 12 yaşdan kiçik olan 60 qıza qarşı cinsi zorakılıq edib. Yerli mətbuatın verdiyi məlumata görə, sözügedən şəxs 2022- ci ildə polis tərəfindən saxlanılıb.

Qriffitin 2003-2022-ci illər arasında Avstraliyanın on iki müxtəlif bölgəsində və İtaliyanın Piza şəhərində 91 uşağa qarşı 1623 cinayət törətdiyi müəyyən edilib. Məhkəmə zamanı Qriffitə irəli sürülən bəzi ittihamlar ləğv edilib.

Hazırda təcridxanada saxlanılan Qriffitin cəzası daha sonra müəyyənləşəcək.