"Mən atamın çayına dərman qatdım, anamın sevgilisi isə öldürdü" CANLI EFİRDƏ DƏHŞƏTLİ ETİRAF

Türkiyənin Atv kanalında yayımlanan "Müge Anlı ile Tatlı Sert" proqramında 2019-cu ildə Qaziantepdə öldürülən 5 uşaq atası Cengiz Karademirin qətli araşdırılmağa başlanıb. Proqrama gələn Karademirin qızı Naime anasının təşviqi ilə atasına yuxu dərmanı verdiyini, anasının sevgilisi Şehmusun atası Cengiz Karademiri boğaraq öldürdüyünü etiraf edib.

Gənc qız qətl anını bu sözlərlə izah edib: "Anamın yanına gedəndə Şehmus da yanında idi. Anam əvvəlcə məndən evin açarlarını istədi. Atam o zaman 30 min lirə təzminat aldı. O pulu oğurlamaq istəyirdilər. Qəbul etmədim. Sonra öz aralarında danışmağa başladılar. Bu vaxt qardaşım gəldi və onlarla razılaşdı. Mənə dərman verdilər. Onu toz halına salıb atama verməyimi istədilər. Yeməyinə qatıb verdim. Atam yeməyini yeyəndən sonra yuxuya getdi. Şehmus mənim otağımda atamın yatmasını gözləyirdi. Atam yatandan sonra Şehmus onu yastıqla boğacağını dedi. Məndənsə ayaqlarını tutmağımı istədi. Qəbul eləmədim. O atamın oyanacağından qorxub qaçdı. Anam o vaxt nənəmin yanında idi.

3 gündən sonra yenidən cəhd etdik, amma orada olmağımı istəmədilər. Bu dəfə dərmanı çayına qarışdırıb verdim. Evdə qalmamaq üçün marketə getdim. Mən çıxanda , Şehmus evə girdi. Evdə heç kəs yox idi. O yatan atamı iplə boğub öldürdü"

Hadisə ilə bağlı araşdırmalar davam edir.